საიტზე მიმდინარეობს ტექნიკური სამუშაოები

ელჩის შეხვედრები ირანის ისლამური საბჭოს მეჯლისში

29 ნოემბერს ირანის ისლამური საბჭოს მეჯლისში ელჩი შეხვდა მეჯლისის ეროვნული უსაფრთხოებისა და საგარეო პოლიტიკის კომიტეტის თავმჯდომარეს ბატონ ალაედდინ ბორუჯერდის და საქართველოსთან მეგობრობის საპარლამენტო ჯგუფის თავმჯდომარეს ბატონ აჰმად ალირეზა ბეიგის.  

შეხვედრებზე მხარეებმა განიხილეს საქართველოს და ირანს შორის თანამშრომლობის არსებული მდგომარეობა და მისი შემდგომი განვითარების პერსპექტივები. განსაკუთრებული ყურადღება დაეთმო ორმხრივი ეკონომიკური თანამშრომლობის, საპარლამენტთაშორისო ურთიერთობების განვითარების, რეგიონული ურთიერთობების და ორი ქვეყნის სატრანზიტო პოტენციალის გაზრდის საკითხებს. მხარეებმა დაადასტურეს მზადყოფნა, გააღრმავონ თანამშრომლობა უკვე არსებულ სფეროებში და გააგრძელონ მუშაობა საპარლამენტო თანამშრომლობის გასააქტიურებლად.